Þann 23. september var undirritaður stofnanasamningur milli FÍN og SVS. Um er að ræða stofnanasamning sem tók gildi 1. janúar 2020, sbr. þó taka menntunarákvæði gildi 1. júní 2016 samkvæmt bókun þess efnis. Samningurinn hefur verið vistaður á vefsvæði félagsins undir stofnanasamningar - sjá hér. Félagsmenn eru hvattir til að kynna sér efni samninganna og geta ávallt leitað til félagsins vakni upp einhverjar spurningar.

Samningsaðilum er þakkað fyrir samstarfið.

Skrifstofa FÍN verður lokuð í dag fyrir heimsóknir, starfsfólk vinnur áfram heima. Vinsamlegast sendið skilaboð á netfangið fin@bhm.is ef þið viljið að við hringjum eða bókum fjarfund með ykkur. Stöðumat verður tekið á mánudagsmorguninn og tilkynnt um framhaldið.

Samband íslenskra sveitarfélaga:

Samkomulag hefur verið gert milli Sambands íslenskra sveitarfélaga og Félags íslenskra náttúrufræðinga um að gildistími yfirvinnu 1 og yfirvinnu 2 taki gildi á sama tíma og stytting vinnuvikunnar tekur gildi. Sjá nánar.

Reykjavíkurborg:

Einnig hefur borist tilkynning frá formanni samninganefndar Reykjavíkurborgar um seinkun á gildistíma yfirvinnuálag sem taka átti gildi þann 1. október nk. Samkvæmt þeim tölvupósti hefur verið tekin ákvörðun um að fresta þeim breytingum til 1. janúar 2021 eða þess gildistíma sem nær til styttingu vinnutíma dagvinnufólks.