í aðdraganda kjarasamninga
Kjarasamningar eru miðlægir samningar
Félagið vinnur markvisst þegar miðlægir kjarasamningar fara í hönd.
Formaður félagsins hittir félagsmenn FÍN á vinnustaðfundum. Trúnaðarmenn og stjórn félagsins hittast á starfsdögum trúnaðarmanna og á kjararáðstefnum félagsins. Stjórn FÍN tekur þátt í kjararáðstefnu Bandalags háskólamanna (BHM). Stjórn FÍN er samninganefnd félagsins og samþykkir kröfugerð félagsins.
Formaður gengur frá viðræðuáætlunum við viðsemjendur okkar í umboði stjórnar.
Vinnustaðafundir
Formaður FÍN fer á hverju hausti í svokallaða vinnustaðafundi og heimsækir vinnustaði út um allt land og á höfuðborgarsvæðinu þar sem fleiri en 5 félagsmenn FÍN starfa. Á vinnustaðafundum fer hann í gegnum kjaramál og réttindi félagsmanna og fer yfir kröfugerðir félagsins. Á þessum fundum á sér stað samtal formanns og félagmanna sem kemur sér vel við undirbúning kröfugerðar félagsins. Allir vinnustaðafundirnir eru undirbúnir í samvinnu við trúnaðarmenn og aðra tengiliði okkar. Allar vinnustaðafundir eru auglýstir á Facebook síðu félagsins og einnig er sendur tölvupóstur til trúnaðarmanna, tengiliða og félagsmanna nálægt viðkomandi fundarstað.
Starfsdagar trúnaðarmanna
Starfsdagar trúnaðramanna eru haldnir tvisvar á hverju ári, yfirleitt í mars og október. Þar koma saman trúnaðarmenn og stjórnarmenn félagsins. Á starfsdögum trúnaðarmanna er farið yfir þau atriði sem eru efst á baugi hverju sinni.
Kjararáðstefna FÍN
Stjórn félagsins stendur fyrir kjararáðstefnu FÍN í aðdraganda kjarasamninga. Á kjararáðstefnu félagsins koma saman trúnaðarmenn félagsins og stjórn félagsins. Á kjararáðstefnu félagsins eru mótuð fyrstu drög kröfugerð félagsins í komandi kjarasamningum.
Viðræðuáætlanir
Samkvæmt lögum um stéttarfélög og vinnudeilur nr. 80/1938 skulu stéttarfélög og viðsemjendur hafa gengið frá viðræðuáætlunum sín á milli eigi síðar en 10 vikum áður en gildandi kjarasamningur rennur út.