Mínar síður BHM
Tilkynning frá BHM
Ágæti félagsmaður
Á næstu vikum mun Bandalag háskólamanna opna aðgang að þjónustugáttinni Mínar síður, þar sem félagsmenn aðildarfélaga geta á auðveldan máta nálgast upplýsingar um eigin notkun á styrkjum, fylgst með stöðu umsókna, gengið frá nýjum umsóknum og rafrænum fylgigögnum, bókað orlofshús og fylgst með iðgjaldagreiðslum frá vinnuveitanda.
Ekki er lengur gerð krafa um frumrit reikninga og öllum fylgigögnum skilað rafrænt á Mínum síðum. Þó mun Styrktarsjóður BHM (opinberir starfsmenn) ekki taka við rafrænum fylgigögnum með umsóknum fyrr en í byrjun árs 2014.
Til að skrá sig á Mínar síður þurfa félagsmenn að sækja sér Íslykil frá Þjóðskrá Íslands sem leysir af hólmi gamla veflykil RSK eða nota rafræn auðkenni/skilríki. Félagsmenn eru hvattir til að sækja sér Íslykilinn sem fyrst en ekki verður hægt að sækja um styrki eða nýta sér þá orlofskosti sem BHM býður upp á án hans.
Tilkynning um opnun á Mínum síðum verður send út innan tíðar.