Stofnun fyrirtækis og frumkvöðlastarfsemi
Haukur Guðjónsson hélt fyrirlestur í streymi hjá BHM þriðjudaginn 15. desember um frumkvöðlastarfsemi og stofnun fyrirtækja.
Fyrirlesturinn er nú aðgengilegur á síðunni Fræðsla fyrir félagsmenn fram til þriðjudagsins 29. desember.
Haukur Guðjónsson frumkvöðlaþjálfi býr yfir tveggja áratuga reynslu af frumkvöðlastarfi og hefur sjálfur stofnað sjö fyrirtæki í tveimur heimsálfum og þremur löndum. Nú sérhæfir hann sig í því að veita frumkvöðlum þá leiðsögn og stuðning sem þeir þurfa til að ná árangri í fyrirtækjarekstri. Á meðan á fyrirlestrinum stóð gátu áhorfendur sent inn fyrirspurnir sem var svarað í lok fyrirlestursins.
Haukur fór yfir eftirfarandi atriði:
- Hvað er frumkvöðull?
- Mismunandi gerðir fyrirtækja
- Viðskiptahugmyndir
- Félagaform
- Stofnun ehf.
- Góð ráð og algeng mistök