Nýr framkvæmdastjóri FÍN

Félag íslenskra náttúrufræðinga hefur ráðið Sigrúnu Ösp Sigurjónsdóttur sem framkvæmdastjóra félagsins frá og með 1. ágúst nk. úr hópi 27 umsækjenda, en Sigrún tekur við starfinu af Maríönnu H. Helgadóttur.  Sigrún lauk BA prófi í hagfræði frá Háskóla Ísland 2012 og MS prófi í hagfræði frá Háskóla Íslands 2014.  Sigrún hefur frá árinu 2013 starfað hjá Þjónustuskrifstofu FFSS sem verkefnastjóri/hagfræðingur, en Þjónustuskrifstofa FFSS þjónustar fimm stéttarfélög innan Bandalags háskólamanna.  Þar áður starfaði Sigrún sem sérfræðingur á efnahagssviði Hagstofu Íslands.  Sigrún hefur komið að margvíslegum störfum stéttarfélaga.  Hún hefur m.a. komið að kjaraviðræðum, stofnanasamningum og eftirfylgni samninga.  Einnig hefur hún verið í miklum samskiptum við félagsmenn í ráðgjöf og úrlausn erfiðra einstaklingsmála.  Við bjóðum Sigrúnu hjartanlega velkomna til starfa hjá félaginu.