Fréttir

Greinagóðar upplýsingar og reiknivél á vef BHM sem nýtast öllum sjálfstætt starfandi einstaklingum sem vilja hafa allt sitt á hreinu.

Innleiðing starfsmats hefur staðið yfir frá því að félagsfólk samþykkti inngöngu í starfsmat haustið 2021. Nú er búið að ganga frá mati á fyrstu störfunum og gildir matið á þessum störfum afturvirkt til 1. janúar 2022.

Á fundi Starfsmatsnefndar Reykjavíkur þann 11.2.2025 var gengið frá mati á eftirtöldum störfum:

Niðurstöður liggja fyrir úr atkvæðagreiðslu um samkomulag um breytingar og framlengingu á kjarasamningum Félags íslenskra náttúrufræðinga (FÍN) og Samtaka fyrirtækja í velferðarþjónustu (SFV) sem gildir frá 1. apríl 2024 og til og 31. mars 2028.

Kosningaþátttaka var 85,71% og var samningurinn samþykktur með rúmlega 83% greiddra atkvæða.

Í samræmi við ofangreindar niðurstöður tilkynnist hér með að kjarasamningur FÍN og SFV er samþykktur.

Samninginn má lesa með því að smella hér.

FÍN gekk í dag frá undirritun kjarasamnings við SFV (Samtök fyrirtækja í velferðarþjónustu) og verður hann kynntur félagsfólki á fjarfundi á föstudaginn 7. febrúar klukkan 10:30. Slóð á fundinn hefur verið send félagsfólki í tölvupósti.

Kjarasamningurinn verður aðgengilegur félagsfólki eftir kynningarfundinn ásamt öllum viðeigandi fundargögnum. Atkvæðagreiðsla um samninginn hefst strax að loknum fundi og mun félagsfólk fá sendan kosningahlekk en ef einhverjum berst ekki hlekkur skal senda póst á fin(hja)fin.is og óska eftir honum.

Kosningin mun standa til klukkan 11:00 þann 14. febrúar nk.

Við hvetjum allt félagsfólk sem á aðild að þessum samningi og kosningarétt til að mæta á kynningarfundinn og taka þátt í kosningunni.

Starfsþróunarsetur háskólamanna, f.h. BHM, og Endurmenntun HÍ hafa gert samning þar sem fólki í aðildarfélögum BHM býðst að sækja tíu námskeið hjá Endurmenntun HÍ þeim að kostnaðarlausu. Námskeiðin sem um er að ræða eru sérstaklega valin þannig að sem flest geti nýtt sér þau til að efla sig í starfi.

Nýjasta tölublað fréttabréfs FÍN kom út í gær og var sent á póstlista félagsins.

Niðurstöður liggja fyrir um atkvæðagreiðslu um framlengingu á kjarasamningi FÍN og Reykjavíkurborgar sem gildir frá 1. apríl 2024 og til og með 31. mars 2028.

Alls voru 71 á kjörskrá og var þátttaka 67,61%.

Niðurstöðurnar voru eftirfarandi:

• Alls samþykktu 45 aðilar kjarasamninginn eða 93,75%
• Alls höfnuðu 3 aðilar kjarasamningnum eða 6,25%

Samninginn má lesa hér.

FÍN gekk í dag frá undirritun kjarasamnings við Reykjavíkurborg og verður hann kynntur félagsfólki á fjarfundi á morgun, 15. janúar, kl. 14:00. Slóð á fundinn hefur verið send í tölvupósti til félagsfólks.

Kjarasamningurinn verður aðgengilegur félagsfólki eftir kynningarfundinn ásamt öllum viðeigandi fundargögnum. Atkvæðagreiðsla um samninginn hefst strax að loknum fundi og mun félagsfólk fá sendan kosningahlekk en ef einhverjum berst ekki hlekkur skal senda póst á fin(hja)fin.is og óska eftir honum.

Kosningin mun standa til klukkan 11:00 þann 20. janúar.

Við hvetjum allt félagsfólk sem á aðild að þessum samningi og kosningarétt til að fjölmenna á kynningarfundinn og taka þátt í kosningunni.

Niðurstöður liggja úr atkvæðagreiðslu um framlengingu á kjarasamningi FÍN og Sambands íslenskra sveitarfélaga sem gildir frá 1. apríl 2024 og til og með 31. mars 2028.

Alls voru 77 á kjörskrá og var þátttaka 51,95%.

Niðurstöðurnar voru eftirfarandi:

• Alls samþykktu 34 aðilar kjarasamninginn eða 85%
• Alls höfnuðu 6 aðilar kjarasamningnum eða 15%

Samninginn má lesa hér

FÍN hefur gengið frá undirritun kjarasamnings við ríkið sem mun taka gildi 1. apríl 2024 og gilda til 31. mars 2028. Um er að ræða kjarasamning sem er í takt við þá samninga sem stéttarfélög bæði á almennum sem og opinberum vinnumarkaði hafa samið.

Ákveðnar breytingar felast í samningnum auk hinna hefðbundnu launahækkana og hækkun á persónuuppbótum.

Það er ánægjulegt að tekist hafi verið að ná að ljúka samningi fyrir hátíðirnar. FÍN mun halda kynningarfund á Teams föstudaginn 20. desember kl: 13:00. Sá fundur verður tekinn upp og verður aðgengilegur félagsfólki í því formi. Kjarasamningurinn verður aðgengilegur félagsfólki eftir kynningarfundinn 20. desember ásamt hlekk á upptöku af kynningarfundinum. Öllu félagsfólki verður sendur hlekkur á fundinn, ef einhverjum berst ekki hlekkur skal senda póst á fin(hja)fin.is

Atkvæðagreiðsla um kjarasamninginn mun hefjast kl: 11:00 föstudaginn 20. desember og ljúka 12:00 mánudaginn 30. desember.

Við óskum félagsfólki gleðilegrar hátíðar.

Hér er hlekkur á Teams fund á morgun kl: 13:00.

Skrifstofa félagsins verður lokuð frá Þorláksmessu, 23. desember og fram yfir jólahátíðina. 

Read it here!

Fréttabréfið var sent á póstlista félagsins í gær en er einnig aðgengilegt hér á vefnum.

Hér má finna fundarslóðir fyrir félagsfundi dagsins

Á dögunum tók FÍN MailChimp í sína þjónustu og eftirleiðis mun allur fjölpóstur frá félaginu vera borinn út af þessum snjalla simpansa.

FÍN mun halda þrjá félagsfundi með félagsfólki í lok nóvember. Hver og einn félagsmaður með aðild að félaginu mun fá sendan fundarlink fyrir helgina* í gegnum tölvupóst eftir því sem við á:

• Þann 26. nóvember kl. 10:00 verður fundur með félagsfólki sem starfar hjá sveitarfélögum, öðrum en Reykjavíkurborg
• Þann 26. nóvember kl. 14:00 verður fundur með félagsfólki sem starfar hjá ríkinu
• Þann 27. nóvember kl. 11:00 verður fundur með félagsfólki sem starfar hjá Reykjavíkurborg

Til að kanna hvort þú sért með rétt netfang skráð hjá okkur eða ef þú vilt breyta netfanginu þínu þá er það gert í gegnum "Mitt stéttarfélag".

^{*Fundarboð mun verða sent út á þriðjudaginn kemur, 19. nóvember.}

Þrátt fyrir að Félag íslenskra náttúrufræðinga hafi verið í formlegum kjaraviðræðum við opinbera launagreiðendur meira og minna allt þetta ár þá hefur ekki tekist að ná saman kjarasamningi fyrir félagsfólk FÍN.

Opinberir launagreiðendur (ríki, borg og sveit) hafa, frá upphafi, sameinast gagnvart öllum stéttarfélögum og haldið fast í ákveðnar línur í viðræðum sem fela m.a. í sér kaupmáttarrýrnun fyrir háskólamenntað starfsfólk. Á þessu ári höfum við unnið að því að finna samningsflöt í þeirri stöðu sem uppi er sem félagsfólk okkar gæti unað við.

FÍN vekur athygli á vinnustofu Starfsmenntar en markmiðið hennar er að auka vitund og skilning stjórnenda á geðheilbrigði á vinnustað og að byggja upp færni og sjálfstraust meðal þeirra til að taka þátt í innihaldsríkum samtölum um geðheilbrigði við starfsfólk sitt.

Vinnustofan er styrkhæf fyrir félagsfólk BHM í gegnum Starfsþróunarsetur háskólamanna.

Skráning stendur yfir til 4. október, sjá nánar í þessari frétt

Lögmannafélag Íslands og dómstólasýslan standa fyrir námskeiði fyrir dómkvadda matsmenn. Farið verður yfir hlutverk matsmanna og starf þeirra frá dómkvaðningu og þar til þeir skila matsgerð og/eða mæta fyrir dóm. Þá verður farið yfir ákvæði einkamálalaga sem varða störf matsmanna og samningu matsgerða, undirbúning matsfunda, uppsetningu matsgerða og störf á vettvangi. Í lok síðari námskeiðsdags verður haldið í Héraðsdóm Reykjavíkur þar sem héraðsdómari mun upplýsa nánar um samskipti dómkvaddra matsmanna við dómstólana og svara spurningum. 

Þó forstjóri beri ábyrgðina á fyrirtækinu þá er það oft svo að háskólamenntaðir sérfræðingar bera í sameiningu hitann og þungan af verðmætasköpuninni sem verður hjá fyrirtækinu.

Þann 19. ágúst næstkomandi verður haldinn fundur um stöðu kjarasamninga á

 opinberum markaði.

Maríanna H. Helgadóttir formaður FÍN mun fara yfir stöðu kjaraviðræðna ásamt því að fara yfir áherslur félagsins.

Félag íslenskra náttúrufræðinga semur á opinberum markaði við ríkið, Reykjavíkurborg og Samband íslenskra sveitarfélaga.

Allt félagsfólk sem starfar á opinberum markaði hefur fengið tölvupóst með hlekki á fundinn, ef einhver hefur ekki fengið póst er viðkomandi beðinn að senda póst á fin@fin.is

Vegna sumarleyfa hjá félaginu þá erum við með lágmarksmönnun í júlí og fram til 5. ágúst.  

Bakvakt verður þessa daga sem felur í sér að fylgst verður með tölvupóstum sem berast á netfangið fin@fin.is og áríðandi tölvupóstum svarað. 

Öllum tölvupóstum sem berast okkur verður svarað dagana 6. til 12. ágúst.

Félagsfólk sem þarf að ná í okkur í júlí er vinsamlegast beðið um að hafa samband við okkur um netfangið fin@fin.is og í algjörum neyðartilvikum er hægt að senda SMS skilaboð í símanúmer formanns í síma 864-9616.

Bandalag háskólamanna (BHM) lokar síðustu tvær vikurnar í júlí, en verður með bakvakt.

Öllum kjaraviðræðum félagsins hefur verið frestað fram í ágúst vegna sumarleyfa beggja megin borðs.

Þann 19. ágúst mun félagið boða til fundar með félagsfólki þar sem farið verður yfir stöðu kjaraviðræðna.

Hafið það gott í sumar!

Við minnum félagsfólk FíN á að svara könnun FÍN 2024, hér er hlekkur á könnunina. Könnun FÍN 2024 varðar nafn og merki félagsins annars vegar og hins vegar ýmsar spurningar sem við þurfum svör við í ljósi þess að kjarasamningar eru í gangi.

Nýlega féll hæstaréttardómur um að ferðatími sé vinnutími og því óskum við eftir að fá svör frá okkar félagsfólki tengdum þeim dómi.

Við höfum einnig vitneskju um að einhverjir vinnuveitendur hafi fyrnt orlof en mögulega er ekki samræmi á milli vinnuveitanda hvernig það hefur verið framkvæmt. Því óskum við eftir upplýsingum frá félagsfólki hvort þau hafi orðið fyrir fyrningu orlofsdaga og hvernig framkvæmdin hafi farið fram.

Það er mikilvægt að við fáum svör frá félagsfólki okkar til að vinna okkur við ofangreinda þætti geti orðið bæði góð og markviss. 

Nú þegar hafa 451 svar borist og við viljum gjarnan fá fleiri svör frá okkar félagsfólki. 

 Könnuninni verður lokað þann 22. júlí nk.

Hvetjum félagsfólk til að svara könnuninni sem allra fyrst!

Heildarsamtök launafólks á Íslandi og VIRK Starfsendurhæfingarsjóður hafa tekið höndum saman og unnið bæði leiðbeiningar fyrir starfsfólk stéttarfélaga vegna móttöku þolenda kynferðislegrar og kynbundinnar áreitni og ofbeldis sem og greinagóðar upplýsingar fyrir þolendur.

Þolendur leita til síns stéttarfélags til að fá stuðning og ráðgjöf er varðar réttindi, lög og reglur. Fulls trúnaðar er gætt. Fulltrúi stéttarfélagsins getur síðan beint þolanda áfram til VIRK í vegvísissamtal eða önnur viðeigandi úrræði eftir þörfum. Hægt er fá nánari upplýsingar hér.

Félag íslenskra náttúrufræðinga hefur ávallt haldið því fram að ferðatími, þ.e. sá tími sem fer í ferðir á vegum vinnuveitanda, teljist til vinnutíma og ef sá ferðartími fari umfram hefðbundinn dagvinnutíma viðkomandi þá gildi m.a. ákvæði um yfirvinnu og frítökurétt eins og með hvert annað vinnuframlag utan hefðbundins dagvinnutíma. 

Með dómi Hæstaréttar hefur túlkun FÍN verið staðfest og að hluta gengið lengra en félagið hefur haldið fram. 

Í ljósi niðurstöðu Hæstaréttar þá getur verið mikilvægt fyrir félagsfólk FÍN, sem sinnir eða hefur sinnt vinnuframlagi sínu utan starfsstöðvar, að skoða hvort sá ferðatími sem slíkt kallar á hafi verið talinn með vinnutíma eður ei. Getur því félagsfólk FÍN átt kröfu á sinn vinnuveitanda hafi slíkt ekki verið gert. 

Hvetjum við því félagsfólk okkar að skoða sín tilvik í ljósi dómsins og eftir atvikum gera kröfu á hendur vinnuveitanda og/eða leita til félagsins þessu tengdu.

FÍN vinnu nú að ítarlegri greiningu og upplýsingum er varðar ferðatíma og má vænta að slíkt verði birt félagsfólki von bráðar.

Ársfundur LSR verður haldinn kl. 15:00 þriðjudaginn 7. maí næstkomandi á Hilton Reykjavík Nordica, Suðurlandsbraut 2. Fundurinn verður opinn öllum sjóðfélögum og launagreiðendum.

Á fundinum verður m.a. gerð grein fyrir skýrslu stjórnar LSR, ársreikningi, tryggingafræðilegri úttekt og fjárfestingarstefnu, auk þess sem kynning verður á samþykktarbreytingum.

Fundurinn verður sendur út rafrænt hér á lsr.is og verður útsendingin kynnt síðar.

Ársreikninga LSR fyrir árið 2023 og upplýsingar um starfsemi á árinu má finna í nýlegri frétt hér á lsr.is.

Félagsmönnum aðildarfélaga BHM er boðið að safnast saman í anddyri Bíó Paradísar við Hverfisgötu 54 kl. 11:00 þann 1. maí. BHM býður upp á búlluborgara úr Búllubílnum kl. 11:30. Safnast verður síðan saman á Skólavörðuholti kl. 13:00 en gangan hefst kl. 13:30.

Sjá nánar frétt af vef BHM og Facebook síða 1. maí

Opnir fundir með formanni FÍN

FÍN stendur fyrir opnum fundum um kjarasamninga og þróun kjaramála með Maríönnu H. Helgadóttur formanni FÍN. Farið verður yfir gerða kjarasamninga og stöðuna á viðræðum, í lok fundar verður boðið upp á spurningar.

Fundirnir verða haldnir á TEAMS og eru opnir öllum.

8. apríl
Fundur vegna kjaramála á almennum markaði kl 12.00 á TEAMS.
16. apríl
Fundur vegna kjaramála á opinberum markaði kl. 12.00 á TEAMS.

Öllu félagsfólki verða sendir hlekkir á fundina, ef einhverjum berst ekki hlekkur má senda póst á fin(hja)fin.is

Við vonumst til að sem flest

Félag íslenskra náttúrufræðinga (FÍN) óskar eftir að ráða sérfræðing í fullt starf tímabundið til tveggja ára til að sinna átaksverkefni sem snýr m.a. að nýrri vefsíðu og markaðsmálum félagsins.


Starfssvið m.a.:

• Umsjón með vefsíðu og útgáfu fréttabréfa
• Umsjón með markaðsefni og auglýsingum
• Þátttaka í viðburðastjórnun, s.s. skipulagning ráðstefna
• Þátttaka í undirbúningi fræðslufunda, námskeiða og annarra funda
• Þátttaka í að skrifa fræðsluefni og setja upp greinar
• Önnur tilfallandi verkefni í samráði við framkvæmdastjóra/formann

Hæfniskröfur:

• Háskólamenntun eða sambærileg menntun, sem nýtist í starfi
• Þekking og reynsla af uppsetningu vefsíðna og myndvinnslu
• Þekking og reynsla af markaðsmálum, sér í lagi af starfrænni markaðssetningu
• Reynsla af uppsetningu gagna, s.s. í Power BI
• Góð samskiptahæfni, lipurð og jákvætt viðmót
• Frumkvæði og lausnamiðuð hugsun
• Skipulagshæfni og ögun í vinnubrögðum
• Góð íslensku- og enskukunnátta í ræðu og riti

FÍN er stéttarfélag fyrir þá sem hafa lokið bakkalárprófi eða ígildi þess frá viðurkenndum háskóla. Félaginu er umhugað um að veita sem besta þjónustu og býður m.a. upp á hagsmunagæslu á sviði kjara- og réttindamála, túlkun á samningum og ráðgjöf í ágreiningsmálum.


Umsóknafrestur er til og með 8. apríl 2024.

Sótt er um starfið hér!