Verkfallsboðun hjá Reykjavíkurborg
Í dag, 9. apríl 2014, fór fram atkvæðagreiðsla meðal félagsmanna í Félagi íslenskra náttúrufræðinga sem starfa hjá Reykjavíkurborg um boðun verkfalls. Alls voru 51 félagsmaður á kjörskrá og 40 greiddu atkvæði eða 78,4%. Niðurstaðan var afgerandi, alls sögðu 36 eða 90% já við verkfallsboðun. Tveir sögðu nei og tveir seðlar voru ógildir. Félagsmenn í Félagi íslenskra náttúrufræðinga hafa því samþykkt að hefja verkfall hjá Reykjavíkurborg þann 25. apríl 2014, kl. 08:00, hafi samningar ekki náðst fyrir þann tíma. Viðsemjanda og ríkissáttasemjara hefur verið tilkynnt um niðurstöðu atkvæðagreiðslunnar.