FUMÍS er frekar nýlega stofnað félag en tilgangur þess er að stuðla að aukinni þekkingu á góðum og vönduðum vinnubrögðum í málefnum mengunar í jarðvegi, yfirborðs- og jarðvatni. Einnig að stuðla að auknu samráði og samstarfi ólíkra aðila í málefnum er varða mengun í jarðvegi, yfirborðs- og jarðvatni og hvetja til faglegra vinnubragða í mengunarmálum á Íslandi.
Við hjá FÍN hlökkum til samstarfsins með FUMÍS og þökkum þeim fyrir komuna í dag.
Það voru þeir Guðjón Ingi Eggertsson, ritari FUMÍS, og Þorkell Heiðarsson, formaður FÍN, sem innsigluðu samstarfið formlega fyrir hönd félaganna.
