Hættustig almannavarna hefur verið virkjað - COVID-19
BHM hefur sent frá sér eftirfarandi tilkynningu:
Hættustig almannavarna hefur verið virkjað þar sem fyrsta tilfelli COVID-19-kórónuveiru hefur greinst á Íslandi. BHM hefur ákveðna upplýsingaskyldu sem heildarsamtök gagnvart félagsmönnum aðildarfélaga um ábyrgð félagsmanna, réttindi og skyldur í heimsfaraldri inflúensu þegar um er að ræða óvissustig, hættustig eða neyðarstig.
Einstaklingar sem finna fyrir veikindum og hafa mögulega verið berskjaldaðir fyrir smiti vegna t.d. ferðalaga eru hvattir til að hringja í 1700 (fyrir erlend símanúmer: +354 544-4113) til að fá leiðbeiningar. Þeir sem hafa verið í nánu samneyti við einstaklinga með staðfesta eða líklega sýkingu verða settir í sóttkví og hið sama á við um þá sem ferðast hafa á undanförnum dögum til skilgreindra áhættusvæða. Ítarlegar upplýsingar um hina nýju kórónuveiru er að finna á landlaeknir.is og jafnframt upplýsingar um skilgreind áhættusvæði.
BHM vekur jafnframt athygli á vef embættis landlæknis þar sem hægt er að kynna sér ýmislegt:
-Spurningar og svör varðandi kórónaveiru
-Leiðbeiningar til framlínustarfsmanna í atvinnulífinu
-Ráðleggingar til ferðamanna
-Sýkingavarnir fyrir almenning
-Leiðbeiningar fyrir almenning varðandi sóttkví í heimahúsi
-Leiðbeiningar fyrir almenning varðandi einangrun í heimahúsi
-Myndbönd um sýkingavarnir í heilbrigðisþjónustu