Nýr upplýsingavefur FÍN er snjall-vefur
FÍN hefur nú uppfært vef sinn með það að leiðarljósi að vera í fararbroddi á sviði upplýsingargjafar og þjónustu við félagsmenn. Innan tíðar bætist við sérstök þjónustugátt (mínar síður) sem efla á upplýsingaflæði á milli félagsmanna og félagsins enn frekar, auk netútgáfu af náttúrufræðingatali.
FÍN hefur nú uppfært vef sinn með það að leiðarljósi að vera í fararbroddi á sviði upplýsingargjafar og þjónustu við félagsmenn. Nýi vefurinn er svokallaður snjall-vefur og lagar sig sjálfkrafa að ólíkum skjástærðum, hvort heldur er um að ræða snjallsíma, spjaldtölvur eða hefðbundinn tölvuskjá. Auk útlitsbreytinga á vefnum hefur allt efni verið endurskoðað og endurskrifað og leitast við að hafa aðalatriði í forgrunni.
Hugað var sérstaklega að aðgengismálum við hönnun vefsins, fyrir þá sem t.d. eiga erfitt með lesa, með því að bjóða upp á vefþjónustu frá stillingar.is. Þá er leitarvél vefsins mun fullkomnari en sú sem var á gamla vefnum.
Á næstu misserum mun félagið bæta þjónustuna enn fremur á þessu sviði með opnun sérstakrar þjónustugáttar (Mínar síður) auk útgáfu náttúrufræðingatals á vefnum.