11 jan. 2018

Viljayfirlýsing gegn einelti, áreitni og ofbeldi á vinnustöðum.

Fulltrúar stjórnvalda og aðila vinnumarkaðarins undirrituðu í dag sameiginlega viljayfirlýsingu um aðgerðir gegn einelti, kynferðislegri áreitni, kynbundinni áreitni og ofbeldi á vinnustöðum.

Þórunn Sveinbjarnardóttir, formaður BHM, undirritaði viljayfirlýsinguna fyrir hönd bandalagsins. Í henni kemur m.a. fram að íslensk lög og reglur kveði á um að einelti, kynferðisleg áreitni, kynbundin áreitni og ofbeldi á vinnustöðum skuli ekki liðið. Komi það upp skuli bregðast við því með markvissum hætti. Þá segir að öryggiskennd og góður starfsandi skipti sköpum fyrir vellíðan starfsmanna. Því næst segir orðrétt:

„Á vinnustaðnum eigum við góð samskipti og virðum eftirfarandi sáttmála:

  • Við þekkjum stefnu og viðbragðsáætlun vinnustaðarins gegn einelti, kynferðislegri og kynbundinni áreitni og ofbeldi og erum meðvituð um skyldur okkar.
  • Við líðum ekki einelti, áreitni eða ofbeldi, beitum því ekki og vitum að meðvirkni með geranda getur skaðað starfsmenn og vinnustað okkar.
  • Við berum sameiginlega ábyrgð á vinnuumhverfinu og leggjum okkar af mörkum til að bæta það enn frekar.
  • Við erum ólík, með mismunandi bakgrunn og lífsskoðanir, en sýnum hvert öðru virðingu í öllum samskiptum.
  • Við skiljum að upplifun af samskiptum er mismunandi og gerum ekki lítið úr viðbrögðum og tilfinningum annarra.
  • Við ræðum um framkomu sem okkur mislíkar og tökum upp varnir fyrir þá sem brotið er gegn.
  • Við tökum tillit til ábendinga um að við getum bætt framkomu okkar.
  • Við sýnum öðrum kurteisi og virðingu í öllum samskiptum.“
Viljayfirlýsingin var undirrituð að loknum fjölsóttum fundi sem haldinn var á Grand Hótel Reykjavík í morgun á vegum Vinnueftirlitsins, stjórnar Vinnueftirlitsins og Velferðarráðuneytisins. Fundur var haldinn til að vekja athygli á mikilvægi þess að efla forvarnir á sviði vinnuverndar með sérstakri áherslu á einelti, kynferðislega áreitni, kynbundna áreitni og ofbeldi á vinnustöðum. Yfirlýsingin er birt í  heild sinni á vef Vinnueftirlitsins

 og þar gefst forsvarsmönnum fyrirtækja, stofnana og félagasamtaka jafnframt tækifæri til að undirrita hana með rafrænum hætti og gerast þar með aðilar að henni.


Fréttir og tilkynningar

Viljayfirlýsing gegn einelti, áreitni og ofbeldi á vinnustöðum.

Þórunn Sveinbjarnardóttir, formaður BHM, undirritaði viljayfirlýsinguna fyrir hönd bandalagsins. Í henni kemur m.a. fram að íslensk lög og reglur kveði á um að einelti, kynferðisleg áreitni, kynbundin áreitni og ofbeldi á vinnustöðum skuli ekki liðið. Komi það upp skuli bregðast við því með markvissum hætti. Þá segir að öryggiskennd og góður starfsandi skipti sköpum fyrir vellíðan starfsmanna. Því næst segir orðrétt:

„Á vinnustaðnum eigum við góð samskipti og virðum eftirfarandi sáttmála:

  • Við þekkjum stefnu og viðbragðsáætlun vinnustaðarins gegn einelti, kynferðislegri og kynbundinni áreitni og ofbeldi og erum meðvituð um skyldur okkar.
  • Við líðum ekki einelti, áreitni eða ofbeldi, beitum því ekki og vitum að meðvirkni með geranda getur skaðað starfsmenn og vinnustað okkar.
  • Við berum sameiginlega ábyrgð á vinnuumhverfinu og leggjum okkar af mörkum til að bæta það enn frekar.
  • Við erum ólík, með mismunandi bakgrunn og lífsskoðanir, en sýnum hvert öðru virðingu í öllum samskiptum.
  • Við skiljum að upplifun af samskiptum er mismunandi og gerum ekki lítið úr viðbrögðum og tilfinningum annarra.
  • Við ræðum um framkomu sem okkur mislíkar og tökum upp varnir fyrir þá sem brotið er gegn.
  • Við tökum tillit til ábendinga um að við getum bætt framkomu okkar.
  • Við sýnum öðrum kurteisi og virðingu í öllum samskiptum.“
Viljayfirlýsingin var undirrituð að loknum fjölsóttum fundi sem haldinn var á Grand Hótel Reykjavík í morgun á vegum Vinnueftirlitsins, stjórnar Vinnueftirlitsins og Velferðarráðuneytisins. Fundur var haldinn til að vekja athygli á mikilvægi þess að efla forvarnir á sviði vinnuverndar með sérstakri áherslu á einelti, kynferðislega áreitni, kynbundna áreitni og ofbeldi á vinnustöðum. Yfirlýsingin er birt í  heild sinni á vef Vinnueftirlitsins

 og þar gefst forsvarsmönnum fyrirtækja, stofnana og félagasamtaka jafnframt tækifæri til að undirrita hana með rafrænum hætti og gerast þar með aðilar að henni.